A'songni manderangna bilsi 3ni 'Tour of Duty' ko aganaha

A'songni manderangna Army o officer ba sipai rang dake bilsi gittam na kamo napna onbo, jekon ' tour of duty' ine agana.. Ine Indian Army aganaha

Bebe ra.a gitade ia aganani rangko rachaka ongode Army rangna lap ong'gen, maina ia agananira dormahako komate ming jamano kam matchoto  kam ka.ani gita tangka ko bange mangen.

Ia aganani rangara Army rangni permanent service-oni ramram bilsi gittamni kamona ongata. Aro ia agananira chadamberangko Army o napna didiaba onga. Ine aganaha

Re'anggipa bilsi 5 ni gisepo defence budget ara 68%ona tangdoaha, aro Army rangna on'gipa dormahara 75%ona, pension rangara 146 ona ongaha. Ine watatgipa aganaha

Indiani defence pension budget-ara $16 billion, Pakistan ni $10 billion bate changni bata.  Ine aganaha

Trainingna skang on'gipa allowance, gratuity, severance package, kam bonani jaman on'gipa cheque rangba bari roroangenga. Aro officer rang bilsi 10 ni kam matchotani jaman onaniara Rs 5.12 crore ni sepango onga ba bilsi 14 jaman ongode Rs 6.83 crore onga. In aganaha.

Uadake ia 'tour of duty' o kagiparangnaba kam bonani jamano apsan dake Rs 85 lakh ko ongen.

Rs 11.5 croreko ToD rangna bilsi 17na kamko kagipa Army-rangni kosako hisap kae onaha.

Uni gimin 1000 jawan rangna Rs 11,000 crore ko chamaha, aro ukon IAF ni gital bosturangko tarianioba jakalanggen. Ine aganaha

Watatgipani aganani gitade, ia officer rang ba sipai rang dakrikao janggiko galna nangahode,  una chamgipa tangkarangko uni jikgipa ba degipa ba mahari manrikgen.

Ia agananiko Armyni commander porika ra.aniko dakenga. Aro iako rachaka ongode, skanggipa sak100 officer rangko aro sak 1000 manderangko rachenggen ia project ona. Ine Armyrangni spokesperson Col Aman Anand aganenga.

Japangoni aganani gitade. 'Tour of Duty' o seokna gita bilsiko aro be.enni mangrakaniko nie seokgen.

A.songo a.songna ka'sagipa ba on'kanggipa manderang donga,  aro iako agananira chadamberangko banggija bilsirangna kam ka.na sikgiparangna didiani onga. Ine aganaha

Iako aganani gitade. Ia ToD o kam kana seokako mangiparangde dakrikanio dakrikna nanggen aro uamangni kamo maming champengani rang dongjawa.

Officerrang ba sipairang bilsi1-ni trainingko motchotani jamanode, bilsi 3ni kamode an'tangtango kadonganio, dolni kamrango, kakket onganio, an.tangni jako ra.e kam ka.anio, gital dakanirango ba changa sapanio mangrakatna ba namroroatna nanggen.  Ine officer saksa aganaha

Abachenge sandirikitaniko dakiparangni aganani gitade, gimik officerrangan saksako Armyrangni jakchin training ra.aniko namniktokenga aro iano bilsi 26/27 ongiparangko ra'skagen bilsi 22/23 onggiparangko ra'anipal ine aganaha.